ຊີວະປະຫວັດຫຍໍ້ ສະຫາຍ ພົນເອກ ສີສະຫວາດ ແກ້ວບຸນພັນ ອາດິດນາຍົກລັດຖະມົນຕີ – ສື່ລາວ.ຄອມ
Notice: Undefined index: slug in /home/suelaoco/public_html/wp-includes/class-wp-theme-json.php on line 1092
Connect with us

ຂ່າວພາຍໃນ

ຊີວະປະຫວັດຫຍໍ້ ສະຫາຍ ພົນເອກ ສີສະຫວາດ ແກ້ວບຸນພັນ ອາດິດນາຍົກລັດຖະມົນຕີ

Published

on

ສະຫາຍ ພົນເອກ ສີສະຫວາດ ແກ້ວບຸນພັນ ເກີດເມື່ອວັນທີ 01 ພຶດສະພາ ປີ 1928 ທີ່ບ້ານ ຫ້ວຍກະລືນ ເມືອງວຽງໄຊ ແຂວງຫົວພັນ, ເປັນບຸດຂອງທ່ານ ບຸນຊູ ແລະ ນາງ ບ້ານ. ສະຫາຍໄດ້ສ້າງຄອບຄົວກັບ ນາງ ຫລ້າ ແກ້ວບຸນພັນ ມີລູກນໍາກັນ 4 ຄົນ, ຍິງທັງໝົດ ປັດຈຸບັນຢູ່ບ້ານໜອງບອນ, ເມືອງໄຊເສດຖາ, ນະຄອນຫລວງວຽງຈັນ.

ການເຄື່ອນໄຫວປະຕິວັດ ທີ່ສໍາຄັນແຕ່ລະໄລຍະ ມີດັ່ງນີ້:

– ປີ 1947-1948 ເປັນນັກຮົບກອງຮ້ອຍ ໂຄສະນາປະກອບອາວຸດຕະລຸມບອນປະຈໍາພາກເໜືອ;

 – ປີ 1948-1949 ເປັນພະນັກງານຂົນຂວາຍກໍ່ສ້າງພື້ນຖານລັບ ຢູ່ສັນກາງລຽບນໍ້າມ່າເພື່ອສ້າງຖານ ທີ່ໝັ້ນເຂົ້າພາກເຫນືອຂອງລາວ;

– ປີ 1950 ເຂົ້າເປັນສະມາຊິກພັກກອມມູນິດອິນດູຈີນ;

– ປີ 1949- 1952 ເປັນຫົວໜ້າການເມືອງກອງຮ້ອຍລາດຊະວົງ;

– ປີ 1952- 1954 ເປັນຫົວໜ້າການທະຫານກອງຮ້ອຍລາດຊະວົງ ທັງເປັນຮອງກອງພັນປະສົມ ລາວ-ຫວຽດນາມ ຂຶ້ນປົດປ່ອຍເມືອງຮ້ຽມ, ປາກລາວ, ບ້ານແຊ້, ບ້ານຊ້ອນ ເປີດກວ້າງເຂດທີ່ໝັ້ນຢູ່ພາກເໜືອຂອງລາວ;

– ປີ 1954-1955 ເປັນກໍາມະການຢຸດຍິງທົ່ວປະເທດ ລະຫວ່າງ ສາມຊາດອິນດູຈີນ ແລະ ຝຣັ່ງ;

– ວັນທີ 22/03/1955 ຊຶ່ງເປັນວັນສ້າງຕັ້ງພັກ ແລະ ດໍາເນີນກອງປະຊຸມໃຫຍ່ຄັ້ງທີ I ຂອງພັກ, ສະ ຫາຍໄດ້ຮັບການເລືອກຕັ້ງ ເປັນກໍາມະການຄະນະບໍລິຫານງານສູນກາງພັກ ປະຊາຊົນລາວຊຸດທໍາອິດ, ໃນປີດຽວກັນນັ້ນ ຖືກເລືອກຕັ້ງເຂົ້າເປັນກໍາມະການຄະນະພັກການທະຫານ,ທັງຖືກແຕ່ງຕັ້ງເປັນຮອງເສ ນາທິການກອງທັບປົດປ່ອຍປະຊາຊົນລາວ;

– ປີ 1956-1960 ຖືກແຕ່ງຕັ້ງເປັນເລຂາຄະນະພັກ,ເປັນຜູ້ບັນຊາການທະຫານເຂດເຕົ້າໂຮມຊໍາເໜືອ, ເປັນຜູ້ຊີ້ນໍາການເລືອກຕັ້ງຜູ້ແທນລາສະດອນຂອງຝ່າຍປະຕິວັດ ແລະ ເປັນຜູ້ບັນຊາການປົດປ່ອຍແຂວງຫົວພັນ ເທື່ອທີ 2 ແລະບັນຊາປົດປ່ອຍທົ່ງໄຫຫີນ;

– ປີ 1962 ບັນຊາປົດປ່ອຍບັ້ນຮົບຫລວງນໍ້າທາ;

– ປີ 1960-1976 ຖືກແຕ່ງຕັ້ງເປັນຫົວໜ້າເສນາທິການສູງສຸດ ກອງທັບປົດປ່ອຍປະຊາຊົນລາວ;

 – ປີ 1972 ໃນກອງປະຊຸມໃຫຍ່ ຄັ້ງທີ II ຂອງພັກ ຖືກເລືອກຕັ້ງເປັນກໍາມະການຄະນະບໍລິຫານງານ ສູນກາງພັກ ສະໄໝທີ II;

– ປີ 1976-1980 ເປັນຫົວໜ້າເສນາທິການສູງສຸດ ກອງທັບປົດປ່ອຍປະຊາຊົນລາວ, ລັດຖະມົນຕີ ປະຈໍາສໍານັກງານນາຍົກລັດຖະມົນຕີ, ເລຂາຄະນະພັກ, ປະທານຄະນະກໍາມະການປົກຄອງກໍາແພງນະຄອນວຽງຈັນ;

– ປີ 1982 ໃນກອງປະຊຸມໃຫຍ່ ຄັ້ງທີ III ຂອງພັກ ຖືກເລືອກຕັ້ງເປັນກໍາມະການສູນກາງພັກສະໄໝທີ III, ເປັນເລຂາທິການສູນກາງພັກ, ຫົວໜ້າເສນາທິການສູງສຸດກອງທັບປົດປ່ອຍປະຊາຊົນລາວ, ລັດຖະມົນຕີກະຊວງປ້ອງກັນຄວາມສະຫງົບ, ເລຂາຄະນະພັກ, ປະທານຄະນະກໍາມະການປົກຄອງກໍາແພງນະຄອນວຽງຈັນ;

– ປີ 1982 ຖືກແຕ່ງຕັ້ງເປັນຫົວຫນ້າຄະນະຮັບຜິດຊອບຊີ້ນໍາກະກຽມກອງປະຊຸມໃຫຍ່ຊາວໜຸ່ມ ປປລາວ ຄັ້ງທີ I;

– ປີ 1983 ສູນກາງພັກ- ລັດຖະບານ ໄດ້ຕົກລົງປະດັບຊັ້ນພົນເອກໃຫ້ແກ່ສະຫາຍ;

– ປີ 1983-1984 ໄປຮຽນທິດສະດີການເມືອງຊັ້ນສູງທີ່ຮ່າໂນ້ຍ ສສ ຫວຽດນາມ;

– ປີ 1985 ຖືກແຕ່ງຕັ້ງເປັນເລຂາຄະນະພັກ, ປະທານຄະນະກໍາມະການປົກຄອງກໍາແພງນະຄອນວຽງຈັນ;

– ປີ 1986 ໃນກອງປະຊຸມໃຫຍ່ ຄັ້ງທີ IV ຂອງພັກ ຖືກເລືອກຕັ້ງເປັນກໍາມະການສູນກາງພັກທັງຖືກ ເລືອກຕັ້ງເປັນກໍາມະການກົມການເມືອງ ແລະ ເລຂາທິການສູນກາງພັກ, ເປັນເລຂາຄະນະພັກ,ປະທານ ຄະນະກໍາມະການປົກຄອງກໍາແພງນະຄອນວຽງຈັນ;

– ປີ 1987-1988 ເປັນຫົວໜ້າຄະນະເຈລະຈາຢຸດຍິງກັບປະເທດໄທ;

 – ປີ 1991 ໃນກອງປະຊຸມໃຫຍ່ ຄັ້ງທີ V ຂອງພັກ ຖືກເລືອກຕັ້ງເປັນກໍາມະການສູນກາງພັກ, ຖືກແຕ່ງຕັ້ງເປັນລັດຖະມົນຕີກະຊວງກະສິກໍາ ແລະ ປ່າໄມ້.

– ປີ 1996 ໃນກອງປະຊຸມໃຫຍ່ ຄັ້ງທີ VI ຂອງພັກ ຖືກເລືອກຕັ້ງເປັນກໍາມະການສູນກງພັກ ທັງຖືກເລືອກຕັ້ງເປັນກໍາມະການກົມການເມືອງສູນກາງພັກ;

– ປີ 1996-1998 ຖືກເລືອກຕັ້ງເປັນຮອງປະທານປະເທດ;

– ປີ 1998-2001 ຖືກເລືອກຕັ້ງເປັນນາຍົກລັດຖະມົນຕີແຫ່ງ ສປປ ລາວ;

– ປີ 2002-2010 ໃນກອງປະຊຸມໃຫຍ່ ຄັ້ງທີ VII, VIII ຂອງພັກ ຖືກເລືອກຕັ້ງເປັນກໍາມະການສູນກາງພັກ, ທັງຖືກເລືອກຕັ້ງເປັນກໍາມະການກົມການເມືອງສູນກາງພັກ ແລະ ຖືກເລືອກຕັ້ງເປັນປະທານສູນກາງແນວລາວສ້າງຊາດ;

– ປີ 2011 ອີງໃສ່ສຸຂະພາບ, ອາຍຸກະສຽນ ແລະ ຄວາມມຸ່ງມາດປາຖະໜາຂອງສະຫາຍເອງ, ສະ ຫາຍ ຈຶ່ງໄດ້ຮັບການເຫັນດີໃຫ້ພັກຜ່ອນຕາມນະໂຍບາຍຂອງພັກ ແລະ ລັດ.ພາຍຫລັງໄດ້ຮັບນະໂຍ ບາຍໃຫ້ພັກການ, ສະຫາຍພົນເອກ ສີສະຫວາດ ແກ້ວບຸນພັນ ຍັງໄດ້ປະກອບສ່ວນລົງຊີ້ນໍາ,ຕິດຕາມ, ຊຸກຍູ້ ການປະຕິບັດວຽກງານຢູ່ບັນຂະແໜງການ ແລະ ທ້ອງຖິ່ນຕາມເງື່ອນໄຂ ແລະ ສຸຂະພາບຕົວຈິງ.

     ສະຫາຍ ພົນເອກ ສີສະຫວາດ ແກ້ວບຸນພັນ ແມ່ນຜູ້ນໍາຮຸ່ນທໍາອິດຂອງພັກ ແລະ ລັດເຮົາທີ່ໄດ້ ອຸທິດຊີວິດຂອງຕົນຕິດພັນກັບການຕໍ່ສູ້ກູ້ຊາດຕ້ານຈັກກະພັດລ່າເມືອງຂຶ້ນແບບເກົ່າ ແລະ ໃໝ່. ສະ ຫາຍແມ່ນນັກຮົບປະຕິວັດຜູ້ອົງອາດທີ່ເກັ່ງກ້າສາມາດ, ມີນໍ້າໃຈເສຍສະຫລະອັນສູງສົ່ງ, ເປັນໜຶ່ງໃນບັນດານາຍທະຫານນໍາພາ-ບັນຊາ ທີ່ດີເດັ່ນ ເປັນທີ່ເຄົາລົບຮັກຂອງກໍາລັງປະກອບອາວຸດ ແລະປະຊາຊົນ ລາວບັນດາເຜົ່າ, ແມ່ນພະນັກງານການນໍາທີ່ມີແບບແຜນນໍາພາທີ່ດີ, ມີຄວາມສາມັກຄີ, ເປັນເອກະພາບພາຍໃນພັກ ແລະ ຍຶດໝັ້ນໃນອຸດົມການປະຕິວັດຢ່າງສູງສົ່ງໃນພາລະກິດປະຕິວັດ ປົດປອຍຊາດ, ປົກປັກຮັກສາ ແລະ ສ້າງສາລະບອບໃໝ່.

    ດ້ວຍຜົນງານ ແລະ ຄຸນງາມຄວາມດີທີ່ສະແດງອອກເຖິງຄຸນສົມບັດສິນທໍາປະຕິວັດອັນຜ່ອງໃສ ແລະ ຄວາມຮັກເຊື້ອແພງຊາດ, ສະຫາຍໄດ້ຮັບຄວາມໄວ້ເນື້ອເຊື່ອໃຈ ແລະ ຄວາມເຄົາລົບຮັກ ຈາກສະມາຊິກພັກ, ພະນັກງານ, ນັກຮົບ ແລະ ປະຊາຊົນລາວບັນດາເຜົ່າກໍ່ຄືປະເທດເພື່ອນມິດຢ່າງກວ້າງ ຂວາງ.ເພື່ອເປັນການສັນລະເສີນກຽດຕິຄຸນຂອງສະຫາຍ,ພັກ ແລະ ລັດຖະບານ ໄດ້ຕົກລົງມອບຫລຽນ ໄຊຂັ້ນສູງປະເພດຕ່າງໆໃຫ້ແກ່ສະຫາຍ ດັ່ງນີ້:

– ຫລຽນ ຄໍາແຫ່ງຊາດ ສປປ ລາວ 1 ຫລຽນ

– ຫລຽນ ຄໍາແຫ່ງຊາດ ສສ ຫວຽດນາມ 1 ຫລຽນ

 – ຫລຽນໄຊ ອິດສະຫລະ ຊັ້ນ I 4 ຫລຽນ

– ຫລຽນໄຊ ອິດສະຫລະ ຊັ້ນ II 2 ຫລຽນ

 ນອກຈາກນັ້ນ ຍັງໄດ້ຮັບຫລຽນໄຊ, ຫລຽນກາ, ຫລຽນລະນຶກ ແລະ ຫລຽນມິດຕະພາບທີ່ສໍາຄັນເປັນ ຈໍານວນຫລວງຫລາຍຈາກພາຍໃນ ແລະ ຕ່າງປະເທດ.

Continue Reading

ຂ່າວພາຍໃນ

ມີຜູ້ໃຊ້ເຟສບຸກທ່ານໜຶ່ງອອກມາໂພສ ມີປີ້ຢືນ

Published

on

ເຊົ້າວັນທີ 5 ສິງຫາ 2022 ນີ້ ມີຜູ້ໃຊ້ເຟສບຸກທ່ານໜຶ່ງອອກມາໂພສວ່າ: “ທຳອິດຄິດວ່າເຮັດແບບສອບຖາມ ແລ້ວຖືກດຣາມ້າຫຼາຍ ແລ້ວແຈ້ງແຕ່ເພີ່ມຖ້ຽວຊັ້ນດອກ.

ຫຼ້າສຸດ ຊື້ປີ້ລົດໄຟໃຫ້ຫຼານລະໄດ້ປີ້ຢືນ ທຳອິດກະເປັນງົງໆ ເພາະທີ່ຊື້ປີ້ໃຫ້ຍ້ອນບໍ່ຢາກໃຫ້ນັ່ງຕັກ ກັບຢ້ານຫຍຸ້ງຍາກຜູ້ອື່ນ.. ເລີຍເລືອກຊື້ປີ້ ໄປສອບຖາມພະນັກງານແລ້ວ ທຳອິດພະນັກງານກະງົງຄືກັນ.. ແຕ່ຜູ້ອອກປີ້ບອກວ່າ “ປີ້ເຕັມ.. ກະເລີຍອອກປີ້ຢືນໃຫ້” ໂອເຄນ້ຳເບີວັນ.. ຈ່າຍເງິນເຕັມ ເພື່ອໄດ້ປີ້ຢືນ ຕາມແບບສອບຖາມເລີຍ.

ຫຼືວ່າຕອນຕອບແບບສອບຖາມ ມີຄົນຕອບເຫັນດີແມ່ນບໍ່? ກະເລີຍວ່າ ຂາຍປີ້ນັ່ງແດ່ ປີ້ຢືນແດ່ ມື້ໃດລົດໄຟເຕັມແຮງ ກະຊິຖືກເລກໄດ້ປີ້ຢືນ”.

ບັນຫານີ້ ພາກສ່ວນກ່ຽວຂ້ອງຈະອອກມາຊີ້ແຈງແນວໃດ ຕິດຕາມຂັ້ນຕອນຕໍ່ໄປ.

Continue Reading

ຂ່າວພາຍໃນ

ຍົກຍ້າຍ-ແຕ່ງຕັ້ງ ຫົວຫນ້າ ປກສ ນະຄອນຫຼວງວຽງຈັນ ຄົນໃໝ່

Published

on

ໃນວັນທີ 4 ສິງຫາ 2022 ກະຊວງ ປກສ ປະກາດຍົກຍ້າຍ ແລະ ແຕ່ງຕັ້ງ ຫົວຫນ້າກອງບັນຊາການ ປກສ ນະຄອນຫລວງວຽງຈັນ ລະຫວ່າງ ຜູ້ເກົ່າ ແລະ ຜູ້ໃຫມ່.

ໃນນີ້, ຍົກຍ້າຍພັນເອກ ສຸກພະຈັນ ບຸດດາຄຳ ຜູ້ເກົ່າ ໄປກົມໃຫຍ່ຕຳຫລວດ ແລະ

ແຕ່ງຕັ້ງ ພັນເອກ ບົວພັນ ຟອງມະນີ ຈາກຮອງຫົວຫນ້າ ກົມໃຫຍ່ຕຳຫລວດ ເປັນຫົວຫນ້າ ປກສ ນະຄອນຫລວງວຽງຈັນ ຜູ້ໃຫມ່.

Continue Reading

ຂ່າວພາຍໃນ

ເລີ່ມປະຕິບັດແລ້ວ!ຈະມີການເຄື່ອນໄຫວກວດນໍ້າປັດສະວະນັກຂັບຂີ່ເຂົ້າ-ອອກ ແຂວງບໍລິຄຳໄຊ ເລີ່ມເດືອນສິງຫາ 2022

Published

on

ເລີ່ມປະຕິບັດແລ້ວ!
ກອງບັນຊາການ ປກສ ແຂວງ ບໍລິຄໍາໄຊ ຂໍຖືເປັນກຽດ ແຈ້ງມາຍັງ ບັນດາຫົວຫນ່ວຍທຸລະກິດທາງພາກລັດເອກະຊົນ ພົນລະເມືອງລາວ ຊາວຕ່າງດ້າວ ແລະ ຕ່າງປະເທດຜູ້ທີ່ຂັບຂີ່ພາຫະນະ ເຂົ້າ-ອອກ ຜ່ານແຂວງບໍລິຄໍາໄຊໃຫ້ ຊາບ:

ປະຈຸບັນ ກອງບັນຊາການ ປກສ ແຂວງ ບໍລິຄໍາໄຊ ຈະໄດ້ຈັດຕັ້ງປະຕິບັດ, ຕັ້ງຈຸດກວດກາ ເຄື່ອນທີ່ ຕາມ ເສັ້ນທາງຕ່າງໆ ພາຍໃນແຂວງ, ເພື່ອກວດນ້ໍາປັດສະວະ ຂອງນັກຂັບຂີ່ ພາຫະນະ ທີ່ມີການພົວພັນນໍາໃຊ້ສານເສບຕິດ ເຂົ້າ-ອອກ ຜ່ານແຂວງ ບໍລິຄໍາໄຊ,

ເລີ່ມຈັດຕັ້ງປະຕິບັດໃນໄລຍະເດືອນ ສິງຫາ 12022-2023 ເຊິ່ງຢູ່ໃນແຜນຂັ້ນຕອນ ໄລຍະທີ I ຂອງການຜັນຂະຫຍາຍວາລະແຫ່ງຊາດ, ໃນການແກ້ໄຂບັນຫາຢາເສບຕິດຂອງກອງບັນຊາການ ປກສ ແຂວງ ບໍລິຄໍາໄຊໄດ້ກໍານົດໃນແຜນຈັດຕັ້ງປະຕິບັດ.

Continue Reading
ເດືອນສິງຫາ 2022
ເສົາ ​ອາ ​ຈ ​ພ​ຫ ​ສ
 12345
6789101112
13141516171819
20212223242526
2728293031  

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້