ຕາມຂ່າວສານ ຫວຽດນາມ, ວັນທີ 11 ເດືອນພືດສະພາ, ລາຄານ້ຳມັນ ໃນຕະຫລາດ ອາຊີ ຫລຸດລົງເກືອບ 1 ໂດລາ ສະຫະລັດ ເນື່ອງຈາກ ມີຄວາມກັງວົນ ກ່ຽວກັບ ພະຍາດ ໂຄວິດ-19 ຍັງແກ່ຍາວ ສົ່ງຜົນໃຫ້ ສະພາບ ເສດຖະກິດ ຊຸດໂຊມ ແລະ ຂໍ້ຕົກລົງ ການຫລຸດຜ່ອນ ປະລິມານ ນ້ຳມັນ ຂອງ ບັນດາ ປະເທດ ຜູ້ສົ່ງອອກ ນ້ຳມັນແຖວໜ້າ ຂອງໂລກ ບໍ່ໄດ້ຮັບ ປະສິດຜົນ ເທົ່າທີ່ຄວນ. ໂດຍສະເພາະ ລາຄາ ນ້ຳມັນເບຣນ ທະເລເໜືອ ຫລຸດລົງ 73 ເຊນ ສະຫະລັດ ເຫລືອ 30,24 ໂດລາ ສະຫະລັດຕໍ່ຖັງ. ສ່ວນລາຄາ ນ້ຳມັນດິບ ປະເພດເບົາ ອາເມລິກາ (WTI) ຫລຸດ 81 ເຊນ ສະຫະລັດ (3,3%) ເຫລືອ 23,93 ໂດລາ ສະຫະລັດ ຕໍ່ຖັງ. ເຖິງຢ່າງໃດກໍຕາມ, ຄວາມສ່ຽງ ໃນການແຜ່ລະບາດ ພະຍາດ ໂຄວິດ-19 ຄັ້ງທີ 2 ຢູ່ ສປ. ຈີນ ແລະ ສ.ເກົາຫລີ ສ້າງຄວາມ ກັງວົນ ໃຫ້ແກ່ ບັນດາ ນັກລົງທຶນ ລວມໄປເຖິງ ປະເທດຕ່າງໆ ພວມຫລຸດຜ່ອນ ການຈຳກັດຕ່າງໆ, ເປັນການ ເຄື່ອນໄຫວ ສະໜັບ ສະໜູນ ຄວາມຕ້ອງການ ນ້ຳມັນ.
ສ.ອາເມລິກາ ມີຄວາມກັງວົນ ກ່ຽວກັບ ປະລິມານ ນ້ຳມັນ ເພີ່ມຂຶ້ນ ຈະບໍ່ມີສາງ ບັນຈຸ ນ້ຳມັນ ເຮັດໃຫ້ ລາຄາ ນ້ຳມັນ WTI ຫລຸດລົງ ເມື່ອເດືອນ ຜ່ານມາ, ຕາມນັ້ນ ໄດ້ຊຸກຍູ້ ບັນດາ ຜູ້ຜະລິດ ນ້ຳມັນ ສ.ອາເມລິກາ ຫລຸດຜ່ອນ ປະລິມານ ນ້ຳມັນ. ສິ່ງດັ່ງກ່າວ ໄດ້ສະແດງ ໃຫ້ເຫັນວ່າ ຜົນກະທົບ ດັ່ງກ່າວ ເຮັດໃຫ້ ບໍລິສັດ ບໍລິການ ພະລັງງານ Baker Hughes Co .ໃນວັນທີ 8 ເດືອນພຶດສະພາ ລະບຸວ່າ ບັນດາແທ່ງ ເຈາະນ້ຳມັນ ແລະ ອາຍແກັດ ທີ່ພວມ ເຄື່ອນໄຫວ ຢູ່ບັນດາ ປະເທດ ຜະລິດ ນ້ຳມັນ ຂະໜາດໃຫຍ່ ທີ່ສຸດໃນໂລກ ໄດ້ຫລຸດຜ່ອນ ແທ່ງເຈາະ ນ້ຳມັນລົງ 74 ແຫ່ງ ເມື່ອອາທິດ ຜ່ານມາ ເປັນລະດັບ ຕ່ຳສຸດ ເປັນປະຫວັດການ.
