ສິ່ງອຳນວຍຄວາມສະດວກ ແລະ ອາຫານການກິນ ຕ່າງໆ ຍັງບໍ່ພຽງພໍສຳລັບແຮງງານລາວ ທີ່ຖືກຈຳກັດບໍລິເວນ – ສື່ລາວ.ຄອມ
Connect with us

ຂ່າວພາຍໃນ

ສິ່ງອຳນວຍຄວາມສະດວກ ແລະ ອາຫານການກິນ ຕ່າງໆ ຍັງບໍ່ພຽງພໍສຳລັບແຮງງານລາວ ທີ່ຖືກຈຳກັດບໍລິເວນ

Published

on

ປັດຈຸບັນແຮງງານລາວ ທີ່ກັບມາຈາກຕ່າງປະເທດ ໂດຍສະເພາະ ມາຈາກປະເທດໄທ ໄດ້ເຂົ້າມາສູນຈຳກັດບໍລິເວນ ນະຄອນຫລວງວຽງຈັນ ຢູ່ສູນຝຶກອົບຮົມ ຂອງກອງທັບຫລັກ 27 ຈໍານວນ 374 ຄົນ, ຍິງ 127 ຄົນ, ເຊິ່ງມີຖິ່ນຖານມາຈາກຕ່າງແຂວງ ເຮັດໃຫ້ມີຄວາມຫຍຸ້ງຍາກ ກ່ຽວກັບອາຫານການກິນ ແລະ ສິ່ງອຳນວຍຄວາມ ສະດວກຕ່າງໆບໍ່ພຽງພໍ ຍ້ອນວ່າບັນດາແຮງງານເຫລົ່ານີ້ ພາຍຫລັງກວດວິເຄາະບໍ່ພົບເຊື້ອແລ້ວ ເຮັດໃຫ້ຈຳນວນໜຶ່ງ ຈະໄດ້ເດີນທາງກັບຄືນ ໄປແຂວງຂອງຕົນ ແລະ ຈຳນວນໜຶ່ງກໍ່ຈະໄດ້ສືບຕໍ່ ຈຳກັດບໍລິເວນ ຢູ່ນີ້ຈົນຄົບ 14 ວັນ. ທ່ານ ດຣ. ພູທອນ ເມືອງປາກ ຮອງລັດຖະມົນຕີ ກະ ຊວງສາທາລະນະສຸກ, ຜູ້ປະຈໍາການ ຄະນະສະເພາະກິດເພື່ອປ້ອງກັນ ຄວບຄຸມ ແລະ ແກ້ໄຂ ພະຍາດອັກເສບປອດ ທີ່ເກີດຈາກເຊື້ອຈຸລະໂລກ ສາຍພັນໃໝ່ ໂຄວິດ-19 ໄດ້ກ່າວໃນພິທີຖະແຫລງຂ່າວ ໃນຕອນບ່າຍ ວັນທີ 11 ພຶດສະພາ 2020 ທີ່ກະຊວງ ສາທາລະນະສຸກ.

ທ່ານ ດຣ. ພູທອນ ເມືອງປາກ ໄດ້ໃຫ້ຮູ້ວ່າ: ປັດຈຸບັນ ທົ່ວປະເທດ ມີສູນຈໍາກັດບໍລິເວນ ທັງໝົດ 60 ສູນ, ມີຜູ້ຈຳກັດບໍລິເວນຢູ່ສູນ 1.616 ຄົນ ແລະ ໃນຕອນເຊົ້າຂອງວັນດຽວກັນ ກອງເລຂາຄະນະສະ ເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂ ພະຍາດໂຄວິດ-19 ໄດ້ລົງໄປຢ້ຽມຢາມສູນຈໍາກັດບໍ ລິເວນດັ່ງກ່າວ ເຫັນວ່າສູນ ແມ່ນມີມາດ ຕະຖານດີສົມຄວນ ທາງດ້ານທີ່ພັກເຊົາ, ເປັນເຂດຈໍາກັດບໍລິເວນສະ ເພາະ, ມີຄວາມປອດໄພສູງ, ແຕ່ເຂົາເຈົ້າເຫລົ່ານັ້ນ ພົບຄວາມຫຍຸ້ງຍາກ ດ້ານອາຫານການກິນ, ນ້ຳດື່ມ ແລະ ສິ່ງອຳນວຍຄວາມສະດວກຕ່າງໆ ແມ່ນຍັງບໍ່ພຽງພໍ. ໂອກາດນີ້, ຈຶ່ງແຈ້ງຂ່າວມາເຖິງຜູ້ໃຈບຸນ ທັງ ຫລາຍ ຂໍເຊີນຊວນບັນດາທ່ານ ໄປບໍລິຈາກນ້ຳດື່ມ, ອາຫານ ແລະ ເຄື່ອງໃຊ້ທີ່ຈຳເປັນ ຕາມອັດທະຍາໄສ ໂດຍໃຫ້ປະສານງານ ກັບຄະນະສະເພາະກິດ ນະຄອນຫລວງ ໂດຍກົງ.

ທ່ານ ດຣ. ພູທອນ ເມືອງປາກ ກ່າວຕື່ມວ່າ: ການປະຕິບັດມາດຕະການຜ່ອນຜັນ ຮອດວັນທີ 17 ພຶດສະພາ ຍັງມີຄວາມຈຳເປັນ ທີ່ຈະຕ້ອງໄດ້ເອົາໃຈໃສ່ ວິທີປ້ອງກັນການຕິດເຊື້ອ ແລະ ການແຜ່ເຊື້ອພະ ຍາດ ເພື່ອສະກັດກັ້ນບໍ່ ໃຫ້ມີກໍລະນີໃໝ່ເກີດຂຶ້ນ. ປັດໄຈສໍາຄັນທີ່ສຸດ ແມ່ນຂຶ້ນກັບພຶດຕິກໍາ ຂອງພວກເຮົາໝົດທຸກຄົນ ທີ່ຈະປັບປຸງວິຖີຊີວິດ ໃໝ່ຂອງຕົນ ຕາມຄຳແນະນຳຂອງ ຄະນະສະເພາະກິດ ເຊິ່ງຄະນະສະ ເພາະກິດຈະໄດ້ປະເມີນ ສະພາບການຄືນໃໝ່ ວ່າຄວນສືບຕໍ່ປະຕິບັດ ມາດຕະການໃດຕື່ມ ຫລື ຄວນຈະຍົກເລິກມາດ ຕະການໃດຕື່ມອີກ. ສະນັ້ນ, ຈຶ່ງຮຽກຮ້ອງ ໃຫ້ທຸກພາກ ສ່ວນໃນສັງຄົມ ມີຄວາມອົດທົນພະຍາຍາມ ເອົາໃຈໃສ່ຮ່ວມແຮງຮ່ວມໃຈກັນ ຈັດຕັ້ງປະຕິບັດຄຳແນະນຳ ແລະ ມາດຕະການຕ່າງໆ ໃຫ້ຖືກຕ້ອງ ແລະ ເຂັ້ມງວດ. ໂດຍສະເພາະ ການລ້າງມືດ້ວຍ ນໍ້າສະອາດ ແລະ ສະບູ ຫລື ໃຊ້ເຈວລ້າງມືຂ້າເຊື້ອດ້ວຍເຫລົ້າ 70% ຂຶ້ນໄປ, ການປະຕິບັດໄລຍະຫ່າງ, ການໃສ່ຜ້າ ປິດປາກ-ດັງ ເວລາອອກຈາກບ້ານ ຫລື ໄປສະ ຖານທີ່ບໍລິການຕ່າງໆ.

ຂ່າວ: ມະນີທອນ

Continue Reading

ຂ່າວພາຍໃນ

ຈັດໜັກ!ສາວງາມປາຕີ້ ມົ້ວສຸຸມປູມເປົ້າ 14ຄົນ ໄປສຶກສາອົບຮົມ

Published

on

By

ຈັດໜັກໃສ່ແກ້ງໄວລຸ້ນມັກມ່ວນ! ປກສ ນະຄອນໄກສອນ ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ

ພັທ ຄຳສີ ທູນທະວົງສັກ ຫົວໜ້າກອງບັນຊາການ ປກສ ນະຄອນໄກສອນພົມວິຫານ ໄດ້ລາຍງານໃຫ້ຮູ້ວ່າ:

ວັນທີ 16 ມັງກອນ 2023 ຜ່ານມານີ້ ເຈົ້າໜ້າທີ່ ກອງບັນຊາການ ປກສ ນະຄອນໄກສອນ

ໄດ້ນຳຕົວກຸ່ມໄວໜຸ່ມປາຕີ້ ມົ້ວສຸມຢາເສບຕິດ ສູບປູມເປົ້າ ຈຳນວນ 14 ຄົນ ໄປສຶກສາອົບຮົມ ແລະ ຕັກເຕືອນ

Continue Reading

ຂ່າວພາຍໃນ

ລ່າສຸດ! ລາຄານ້ຳມັນ +1.010ກີບ/ລິດ ກາຊວນ +420ກີບ/ລິດ

Published

on

By

ແຈ້ງປັບລາຄານ້ຳມັນ ເລິ່ມປະຕິບັດ 06:00 ໂມງຂອງວັນທີ 19/01/2023 ຕາມແຈ້ງການຈາກ ກຊ ອຸດສະຫະກຳແລະການຄ້າ

ເລກທີ 0056/ອຄ ລົງວັນທີ 18 ມກ 2023.

Continue Reading

ຂ່າວພາຍໃນ

ດ່ວນ! ແຈ້ງການຢຸດຕິການອະນຸຍາດດໍາເນີນທຸລະກິດແລກປ່ຽນເງິນຕາ ຕົວແທນຂອງທະນາຄານທຸລະກິດ ທົ່ວປະເທດ

Published

on

By

– ອີງຕາມກົດຫມາຍວ່າດ້ວຍທະນາຄານທຸລະກິດ (ສະບັບປັບປຸງ) ສະບັບເລກທີ 56/ສພຊ, ລົງວັນທີ 07 ທັນວາ 2018;

– ອີງຕາມກົດຫມາຍວ່າດ້ວຍການຄຸ້ມຄອງເງິນຕາຕ່າງປະເທດ (ສະບັບປັບປຸງ) ສະບັບເລກທີ 15 /ສພຊ, ລົງວັນທີ 07 ກໍລະກົດ 2022;

– ອີງຕາມຂໍ້ຕົກລົງວ່າດ້ວຍການບໍລິການແລກປ່ຽນເງິນຕາ ສະບັບເລກທີ 1026/ທຫລ, ລົງວັນທີ 28 ທັນວາ 2022;

ອີງຕາມແຈ້ງການກ່ຽວກັບການຫັນຮ້ານແລກປ່ຽນເງິນຕາໄປເປັນຕົວແທນຂອງທະນາຄານທຸລະກິດ ສະບັບເລກທີ 111/ທຫລ, ລົງວັນທີ 12 ສິງຫາ 2021.

ທະນາຄານແຫ່ງ ສປປ ລາວ ຂໍຖືເປັນກຽດແຈ້ງມາຍັງບັນດາທະນາຄານທຸລະກິດ ແລະ ຮ້ານແລກປ່ຽນເງິນຕາຕົວ ແທນ ຊາບວ່າ: ເພື່ອເປັນການຜັນຂະຫຍາຍກົດຫມາຍວ່າດ້ວຍການຄຸ້ມຄອງເງິນຕາຕ່າງປະເທດ (ສະບັບປັບປຸງ) ສະບັບ ເລກທີ 15/ສພຊ, ລົງວັນທີ 7 ກໍລະກົດ 2022, ທະນາຄານແຫ່ງ ສປປ ລາວ ໄດ້ອອກຂໍ້ຕົກລົງວ່າດ້ວຍການບໍລິການ ແລກປ່ຽນເງິນຕາ ສະບັບເລກທີ 1026/ທຫລ, ລົງວັນທີ 28 ທັນວາ 2022 ເພື່ອປ່ຽນແທນສອງຂໍ້ຕົກລົງຄື: ຂໍ້ຕົກລົງວ່າ ດ້ວຍທຸລະກິດແລກປ່ຽນເງິນຕາ ສະບັບເລກທີ 393/ທຫລ, ລົງວັນທີ 02 ກໍລະກົດ 2020 ແລະ ຂໍ້ຕົກລົງວ່າດ້ວຍການ ບໍລິການແລກປ່ຽນເງິນຕາຂອງທະນາຄານທຸລະກິດ ແລະ ຮ້ານແລກປ່ຽນເງິນຕາຕົວແທນ ສະບັບເລກທີ 449/ທຫລ, ລົງວັນທີ 14 ມິຖຸນາ 2022.

ໃນນີ້, ຂໍ້ຕົກລົງວ່າດ້ວຍການບໍລິການແລກປ່ຽນເງິນຕາສະບັບດັ່ງກ່າວໄດ້ກໍານົດໃຫ້ ທະນາຄານທຸລະກິດ ທີ່ຕັ້ງຢູ່ ສປປ ລາວ ເທົ່ານັ້ນ ສາມາດໃຫ້ບໍລິການແລກປ່ຽນເງິນຕາ. ສະນັ້ນ, ເພື່ອຈັດຕັ້ງປະຕິບັດໃຫ້ ສອດຄ່ອງກັບບັນດານິຕິກໍາທີ່ມີຜົນສັກສິດໃນປັດຈຸບັນ, ທະນາຄານແຫ່ງ ສປປ ລາວ ຈຶ່ງແຈ້ງມາຍັງບັນດາທະນາຄານທຸລະ ກິດ ແລະ ຮ້ານແລກປ່ຽນເງິນຕາຕົວແທນ ດັ່ງນີ້:

1. ທະນາຄານແຫ່ງ ສປປ ລາວ ຢຸດຕິການອະນຸຍາດດໍາເນີນທຸລະກິດແລກປ່ຽນເງິນຕາຂອງຮ້ານແລກປ່ຽນເງິນຕາຕົວແທນທັງໝົດ 113 ຮ້ານ ທີ່ຂຶ້ນກັບ 6 ທະນາຄານທຸລະກິດ;

2. ໃຫ້ທະນາຄານທຸລະກິດທີ່ມີຮ້ານແລກປ່ຽນເງິນຕາຕົວແທນຂຶ້ນກັບ ຢຸດເຊົາການຕໍ່ອາຍຸສັນຍາ ແລະ ຍົກເລີກ ສັນຍາຕົວແທນບໍລິການແລກປ່ຽນເງິນຕາກັບຮ້ານແລກປ່ຽນເງິນຕາຕົວແທນຂອງຕົນທັງໝົດ,

ດໍາເນີນການປິດບັນຊີເງິນຝາກທີ່ອອກຊື່ຮ້ານແລກປ່ຽນເງິນຕາຕົວແທນ ຢູ່ທະນາຄານທຸລະກິດທີ່ກ່ຽວຂ້ອງ, ນໍາສົ່ງບົດບັນທຶກ ການຍົກເລີກສັນຍາການເປັນຕົວແທນແລກປ່ຽນເງິນຕາ ລະຫວ່າງ ທະນາຄານທຸລະກິດ ແລະ ຮ້ານແລກປ່ຽນ ເງິນຕາຕົວແທນ ພ້ອມທັງໜັງສືອະນຸຍາດດໍາເນີນທຸລະກິດແລກປ່ຽນເງິນຕາຂອງຮ້ານແລກປ່ຽນເງິນຕາຕົວແທນທີ່ ຂຶ້ນກັບທະນາຄານທຸລະກິດຕົນ ສົ່ງຄືນໃຫ້ແກ່ກົມນະໂຍບາຍເງິນຕາ ຫຼື ສາຂາທະນາຄານແຫ່ງ ສປປ ລາວ ປະຈໍາ ພາກ ທີ່ກ່ຽວຂ້ອງ ພາຍໃນວັນທີ 31 ມັງກອນ 2023;

3. ທະນາຄານທຸລະກິດທີ່ມີຈຸດປະສົງຕ້ອງການສ້າງຕັ້ງໜ່ວຍແລກປ່ຽນເງິນຕາ ແມ່ນໃຫ້ປະຕິບັດຕາມຂໍ້ຕົກລົງວ່າດ້ວຍ ການບໍລິການແລກປ່ຽນເງິນຕາ ສະບັບເລກທີ 1026/ທຫລ, ລົງວັນທີ 28 ທັນວາ 2022.

Continue Reading
ເດືອນມັງກອນ 2023
ເສົາ ​ອາ ​ຈ ​ພ​ຫ ​ສ
 123456
78910111213
14151617181920
21222324252627
28293031  

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້