ເຂົ້ານາ ສະຫວັນນະເຂດ ນໍ້າຖ້ວມ ຂະນະເກັບກ່ຽວ

ລາຍງານຂ່າວຈາກແຂວງສະຫວັນນະເຂດ ວັນທີ14 ຕຸລາ 2020 ຊາວນາ ຫລາຍເມືອງ ຂຸ້ນຂ້ຽວເກັບກູ້ເຂົ້າທີ່ຖືກຝົນຮໍາຫລາຍວັນ ແລະ ນໍ້າຖ້ວມ ໄປໄວ້ບ່ອນສູງ ຈາກຜົນສະທ້ອນພາຍຸຝົນພັດເຂົ້າມາຈາກປະເທດຫວຽດນາມ.
ຂະນະດຽວກັນ ກົມອຸຕຸນິຍົມ ແລະ ອຸທົກກະສາດ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ອອກແຈ້ງການເຕືອນຕື່ມໃນວັນທີ 13 ຕຸລາ2020

ໃຫ້ເຝົ້າລະວັງ ພາຍຸ ນັງກາ ຫົວທີ 16 ທີ່ປົກຄຸມເຂດທະເລຈີນໃຕ້ ເຂົ້າຝັ່ງຕາເວັນອອກຂອງຫວຽດນາມ ແລ້ວພັດຜ່ານປະເທດລາວ ເຂດພາກເໜືອ ແລະ ພາກກາງ ລະຫວ່າງ ວັນທີ 14-16ຕຸລາ2020. ແຂວງຫລວງພະບາງ, ຊຽງຂວາງ, ຫົວພັນ, ບໍລິຄໍາໄຊ ແລະ ຄຳມ່ວນ ໃຫ້ມີສະຕິລະວັງຝົນຕົກໜັກ ແລະ ລົມພັດແຮງ.

ສ່ວນສະພາບການໃນຫລາຍເມືອງຂອງສະຫວັນນະເຂດ ທີ່ໄດ້ຮັບຜົນກະທົບຈາກສະພາບຝົນຕົກຫລາຍວັນ, ເຂົ້ານາຫລາຍພັນເຮັກຕາ ທັງເມືອງວິລະບູລີ, ເຊໂປນ, ສອງຄອນ, ໄກສອນ ພົມວິຫານ ແລະອື່ນໆ ຖືກນໍ້າຖ້ວມ, ກຳລັງ ປກຊ, ປກສ ກໍຄື ອົງການຈັດຕັ້ງທາງປົກຄອງ ບ່ອນມີເງື່ອນໄຂໄດ້ພາກັນລົງຊ່ວຍປະຊາຊົນ ໃນການເກັບກູ້ເອົາເຂົ້າ ແລະ ສັດ ໄປໄວ້ບ່ອນສູງ.

ຄວາມເສຍຫາຍຄັ້ງນີິ້ ຍັງຢູ່ລະຫວ່າງການເກັບກຳຂໍ້ມູນລະອຽດ ຕື່ມ.

.

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້