ສປປ ເກົາຫລີ ຈະສ້າງເຮືອນໃໝ່ໃຫ້ແກ່ປະຊາຊົນ 25.000 ຫລັງ

ສຳນັກ​ຂ່າວ​ເຄຊີ​ເອັນ​ເອ (KCNA) ຂອງ​ທາງ​ການ ສປປ ​ເກົາຫລີ. ທ່ານ ກິມ ​ເຈີງ​ອຸນ, ຜູ້ນຳ​ ສປປ ​ເກົາຫລີ ​ໃຫ້​ຄຳ​ໝັ້ນສັນຍາ​ວ່າ ຈະ​ສ້າງ​ເຮືອນ​ໃໝ່ໃຫ້​ແກ່ປະຊາຊົນ ຈຳນວນ 25.000 ຫລັງເນື່ອງຈາກ ​ເຮືອນ​ເກົ່​າແກ່ ​ຂອງ​ປະຊາຊົນ​ ໄດ້​ຮັບ​ຜົນ​ກະທົບ​ໜັກ​ສຸດ ​ຈາກ​ພາຍຸ​ໄຕ້​ຝຸ່ນ ​ເມື່ອ​ບໍ່​ດົນ​ມາ​ນີ້.

ພາຍຫລັງ​ ​ເປີດ​ໂຄງການ​ເລັ່ງບັນລຸ​ເປົ້າໝາຍທາງ​ເສດຖະກິດ​ ພາຍ​ໃນ 80 ວັນ ​ໃຫ້​ທ່ວງຫັນ​ກັບ​ ການ​​ເປີດກອງ​ປະຊຸມ​ໃຫຍ່​ ໃນ​ເດືອນ​ມັງກອນ​ ປີໜ້າ ​ເພື່ອ​ກຳນົດ​ແຜນເສດຖະກິດ ​ໄລຍະ 5 ປີຕໍ່ໜ້າ. ປັດຈຸບັນ ທຸກ​ພາກສ່ວນ ຮ່ວມ​ຈິດ​ຮ່ວມ​ໃຈ​ກັນຈັດຕັ້ງປະຕິບັດ​ໂຄງການ​ນີ້ ​ເນັ້ນ​ໃສ່​ການ​ສົ່ງ​ເສີມ​ການ​ຜະລິດອຸປະກອນ​ປູກຝັງ ພືດ​ຕາມ​ລະດູ​ການ ​ແລະ ປ້ອງ​ກັນ​ໂຄ​ວິດ-19 ລະບາດຄັ້ງ​ໃໝ່.

ສຳລັບ ການ​ສ້າງ​ເຮືອນ ທາງ​ກອງ​ທັບ ​ໄດ້​ກໍ່ສ້າງ​ໄປ​ແລ້ວ​ກວ່າ​ເຄິ່ງໜຶ່ງ ຈາກ​ຈຳນວນ 2.300 ຫລັງ ​ໃນ​ແຂວງຮຳ​ກີ​ຢອງ​ໃຕ້ (South Hamgyeong) ທາງ​ຕາ​ເວັນ​ອອກສຽງ​ເໜືອ​ ຂອງ​ນະຄອນຫລວງ ປຽງ​ຢາງ (Pyongyang).

ຮຽບຮຽງ​ຂ່າວ​ໂດຍ ສະ​ໄຫວ

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້