ບໍລິສັດຈີນ ກຽມສໍາຫຼວດແຮ່ຄໍາ ຢູ່ແຂວງໄຊສົມບູນ – ສື່ລາວ.ຄອມ
Notice: Undefined index: slug in /home/suelaoco/public_html/wp-includes/class-wp-theme-json.php on line 1092
Connect with us

ຂ່າວພາຍໃນ

ບໍລິສັດຈີນ ກຽມສໍາຫຼວດແຮ່ຄໍາ ຢູ່ແຂວງໄຊສົມບູນ

Published

on

ແຂວງໄຊສົມບູນ ອະນຸຍາດໃຫ້ ບໍລິສັດ ລາວຢູນນານຫວູຖ່ານຂວາງເຢ ຊອກຄົ້ນ, ສໍາຫຼວດ ແລະ ສຶກສາຄວາມເປັນໄປໄດ້ທາງດ້ານເສດຖະກິດ – ເຕັກນິກແຮ່ຄໍາ, ແຮ່ທອງ ແລະ ແຮ່ຕິດພັນອື່ນໆຢູ່ເຂດບ້ານພູກະທະ ເມືອງຮົ່ມ ໃນເນື້ອທີ່ 74,12 ກິໂລຕາແມັດ ເຊິ່ງໄລຍະເວລາຂອງບົດບັນທຶກ ຄວາມເຂົ້າໃຈສະບັບນີ້ແມ່ນ 24 ເດືອນ.

ພິທີເຊັນບົດບັນທຶກຄວາມເຂົ້າໃຈ ( MOU ) ໂຄງການ ດັ່ງກ່າວມີຂຶ້ນໃນວັນທີ 1 ຕຸລາ 2020 ທີ່ສະໂມສອນກອງບັນຊາການທະຫານແຂວງເຂົ້າຮ່ວມມີ ທ່ານ ພົນຕີ ຄໍາລຽງ ອຸທະໄກສອນ ເຈົ້າແຂວງໄຊສົມບູນ, ມີທ່ານຮອງລັດຖະມົນຕີກະຊວງພະລັງງານ ແລະ ບໍ່ແຮ່,ທ່ານຮອງລັດຖະມົນຕີກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ,
ພ້ອມດ້ວຍຫົວໜ້າພະແນກ – ຮອງພະແນກການ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ທ່ານ ຈັນທະໜອມ ວົງສົມຈິດ ຫົວໜ້າພະແນກແຜນການ ແລະ ການລົງທຶນແຂວງ ໄດ້ຂຶ້ນລາຍງານກ່ຽວກັບຂໍ້ມູນພື້ນຖານຂອງໂຄງການ ແລະ ເນື້ອໃນຂອງບົດບັນທຶກທີ່ຈະໄດ້ລົງນາມກັນ ເຊິ່ງໂຄງການດັ່ງກ່າວແມ່ນໂຄງການຊອກຄົ້ນ, ສໍາຫຼວດ ແລະ ສຶກສາຄວາມເປັນໄປໄດ້ທາງດ້ານເສດຖະກິດ – ເຕັກນິກແຮ່ຄໍາ, ແຮ່ທອງ ແລະ ແຮ່ຕິດພັນຢູ່ເຂດບ້ານພູກະທະ ເມືອງຮົ່ມ ແຂວງໄຊສົມບູນ ໃນເນື້ອທີ່ 74,12 ກິໂລ
ຕາແມັດ ເຊິ່ງໄລຍະເວລາຂອງບົດບັນທຶກຄວາມເຂົ້າໃຈສະບັບນີ້ ແມ່ນ 24 ເດືອນ, ໃນນັ້ນໜ້າວຽກໂຄງການຂອງບໍລິສັດທີ່ຈະຕ້ອງໄດ້ຈັດຕັ້ງປະຕິບັດຄື:

ຊອກຄົ້ນ ແລະ ສຶກສາສໍາຫຼວດ, ສຶກສາຄວາມເປັນໄປໄດ້ທາງດ້ານເສດຖະກິດ – ເຕັກນິກ ຂອງໂຄງການ ແລະ ສຶກສາຜົນກະທົບຕໍ່ສິ່ງແວດລ້ອມສັງຄົມ ແລະ ທໍາມະຊາດເບື້ອງຕົ້ນໃນການຈັດຕັ້ງປະຕິບັດພັນທະແມ່ນທາງບໍລິສັດຕ້ອງປະກອບສ່ວນພັນທະຕ່າງໆ ເປັນຕົ້ນແມ່ນການຕິດຕາມ ແລະ ຄຸ້ມຄອງໂຄງການໃນໄລຍະຈັດຕັ້ງປະຕິບັດຂອງບົດບັນທຶກຄວາມເຂົ້າໃຈ ( MOU ) ທາງບໍລິສັດຕ້ອງລົງທຶນພັດທະນາສັງຄົມໃຫ້ແຂວງ 15.000 ໂດລາສະຫະລັດ/ປີ, ທຶນພັດທະນາທ້ອງຖິ່ນໃຫ້ເມືອງ ແລະ ບ້ານບ່ອນໂຄງການຕັ້ງຢູ່ 12.000 ໂດລາສະຫະລັດ/ປີ, ທຶນຝຶກອົບຮົມດ້ານວິຊາການໃຫ້ແຂວງ 3.000 ໂດລາສະຫະລັດ, ເງິນຕິດຕາມ ແລະ ຄຸ້ມຄອງ 5.000 ໂດລາສະຫະລັດ, ເງິນຕິດຕາມທາງດ້ານວິຊາການ 5.000 ໂດລາສະຫະລັດ ແລະ ເງິນຕິດຕາມໃນການປົກປັກຮັກສາສິ່ງແວດລ້ອມ 5.000 ໂດລາສະຫະລັດ.

ທ່ານ ພົນຕີ ຄໍາລຽງ ອຸທະໄກສອນ ໄດ້ມີຄໍາເຫັນໂອ້ລົມຕໍ່ພິທີ ເຊິ່ງທ່ານໄດ້ຍົກໃຫ້ເຫັນເຖິງຄວາມໝາຍ – ຄວາມສໍາຄັນໃນການສ້າງສາພັດທະນາແຂວງໄຊສົມບູນ. ພ້ອມນີ້, ທ່ານຍັງໄດ້ສະແດງຄວາມຍ້ອງຍໍຊົມເຊີຍຕໍ່ບໍລິສັດທີ່ໄດ້ປະກອບສ່ວນທຶນຮອນ ໃນການພັດທະນາແຂວງຂອງພວກເຮົາ ເຊິ່ງຈະເປັນການປະກອບສ່ວນທີ່ສໍາຄັນເຂົ້າໃນການພັດທະນາເສດຖະກິດ – ສັງຄົມຂອງແຂວງ ກໍຄືການສ້າງວຽກເຮັດງານທໍາໃຫ້ແກ່ປະຊາຊົນ.

ຈາກນັ້ນ, ທັງສອງຝ່າຍກໍໄດ້ລົງນາມເຊັນບົດບັນທຶກຮ່ວມກັນ ລະຫວ່າງ ອົງການປົກຄອງແຂວງໄຊສົມບູນ ເຊິ່ງຕາງໜ້າໂດຍ ທ່ານ ຈັນທະໜອມ ວົງສົມຈິດ ຫົວໜ້າພະແນກແຜນການ ແລະ ການລົງທຶນແຂວງ ກັບ ທ່ານ ທັງມ່ຽນ ຜູ້ອໍານວຍການ ບໍລິສັດ ລາວຢູນນານ ຫວູຖ່ານ ຂວາງເຢ ຈໍາກັດຜູ້ດຽວ ໂດຍຊ້ອງໜ້າການນໍາກະຊວງ, ແຂວງ ແລະ ພະຍານທັງສອງຝ່າຍເປັນສັກຂີພິຍານ. ພ້ອມນີ້, ການນໍາເມືອງ ແລະ ພະແນກທີ່ກ່ຽວຂ້ອງຍັງຮ່ວມເຊັນບົດບັນທຶກຄວາມເຂົ້າໃຈກັບບໍລິສັດດັ່ງກ່າວຕື່ມອີກ.

Continue Reading

ຂ່າວພາຍໃນ

ໂຮງໝໍບໍ່ມີຕຽງພຽງພໍສຳລັບຜູ້ປ່ວຍທີ່ເປັນໄຂ້ເລືອດອອກ ໃນນະຄອນຫຼວງວຽງຈັນ

Published

on

ໂຮງໝໍໃນນະຄອນຫຼວງວຽງຈັນບໍ່ມີຕຽງພຽງພໍ ເພື່ອຮອງຮັບຜູ້ປ່ວຍທີ່ເປັນໄຂ້ເລືອດອອກ.ວັນທີ 10 ສິງຫາ 2022 ອ້າງອີງຈາກ ວຽງຈັນທາຍ ໄດ້ລາຍງານວ່າ: ໂຮງໝໍບາງແຫ່ງໃນນະຄອນຫຼວງວຽງຈັນ ໄດ້ປ່ຽນຫ້ອງປະຊຸມ ເປັນຫ້ອງທີ່ຮອງຮັບຜູ້ປ່ວຍ ເນື່ອງຈາກຂາດສະຖານທີ່ປິ່ນປົວຄົນເຈັບ, ໃນຂະນະທີ່ບາງບ່ອນຍັງຂໍຕຽງນອນຈາກປະຊາຊົນຕື່ມອີກ ເພື່ອໃຫ້ສາມາດຮັບມືກັບຈໍານວນຜູ້ປ່ວຍໄຂ້ເລືອດອອກທີ່ເພີ່ມຂຶ້ນ.

ຈໍານວນຜູ້ທີ່ເປັນພະຍາດໄຂ້ເລືອດອອກ ໄດ້ເພີ່ມຂຶ້ນຢ່າງຫຼວງຫຼາຍໃນລະຫວ່າງເດືອນພຶດສະພາ ຫາ ເດືອນກໍລະກົດ.

ກະຊວງສາທາລະນະສຸກ ແລະ ແພດໝໍ ໃນໂຮງໝໍຕ່າງໆທົ່ວປະເທດ ພະຍາຍາມຮັບມືກັບການເພີ່ມຂຶ້ນຂອງ ກໍລະນີຜູ້ປ່ວຍໄຂ້ເລືອດອອກ ແມ່ນສູງຜິດປົກກະຕິເມື່ອທຽບໃສ່ປີ 2019.ກະຊວງ​ສາທາລະນະສຸກ ​ມີ​ແຜນ​ຈະ​ຍົກຍ້າຍ​​ແພດໝໍ​ທີ່ຢູ່​ໂຮງໝໍ​ໃຫຍ່​ໃນ​ນະຄອນຫຼວງ​ວຽງ​ຈັນ ​ໄປ​ຢູ່​ໂຮງໝໍນ້ອຍໆທົ່ວນະຄອນທີ່ມີບຸກຄະລາກອນບໍ່ພຽງພໍ.

ທ່ານ ດຣ. ຄໍາຫຼ້າ ຈູມລິວົງ ຮອງອຳນວຍການໂຮງໝໍເສດຖາທິລາດ ກ່າວຕໍ່ສື່ມວນຊົນໃນວັນຈັນທີ່ຜ່ານມານີ້ວ່າ ປີນີ້ມີຜູ້ປ່ວຍໄຂ້ເລືອດອອກເພີ່ມຂຶ້ນ ແລະ ມີຄົນມາຮັບການປິ່ນປົວພະຍາດຫຼາຍຂຶ້ນ, ຈຳນວນຄົນເຈັບທີ່ເປັນໄຂ້ເລືອດອອກຢູ່ໂຮງໝໍ ເສດຖາທິລາດ

ແມ່ນສູງຜິດປົກກະຕິ.ກະຊວງສາທາລະນະສຸກກ່າວວ່າ ການປ່ຽນແປງຂອງດິນຟ້າອາກາດ ກໍເປັນສ່ວນໜຶ່ງທີ່ພະຍາດໄຂ້ເລືອດອອກລະບາດໃນໄລຍະນີ້ ໂດຍມີຝົນຕົກ ຜິດປົກກະຕິ ໃນຕົ້ນລະດູຝົນ ເຮັດໃຫ້ເກີດມີຍຸງລາຍ ທີ່ເປັນຕົວແຜ່ພະຍາດ.ເຈົ້າໜ້າທີ່ສະກັດກັ້ນ ແລະ ຕ້ານອັກຄີໄພ ນະຄອນຫຼວງວຽງຈັນ ໄດ້ຕິດຕາມ ສະຖານະການ ຂອງການຕິດເຊື້ອ ທີ່ຈະເພີ້ມຂຶ້ນ ຍ້ອນວ່າລະດູຝົນ ຍັງສືບຕໍ່ໃຫ້ມີຍຸງລາຍ ເປັນຈຳນວນຫຼວງຫຼາຍ.

Continue Reading

ຂ່າວພາຍໃນ

ປ້າຍໃຜເຮ່ຍ ມາເອົາເດີ້ ແຖວຮ້ານສຸວັນນີ ສີໄຄ

Published

on

ນຳ້ຖ້ວມທາງ ແຖວຮ້ານສຸວັນນີ ສີໄຄ ໃນມື້ວານ. ( ປ້າຍໃຜເຮ່ຍ ໃຫ້ເອົາເອກກະສານມາຢັ້ງຢືນເອົາ ເພື່ອປ້ອງກັນມິສາຊິບ )

ນ້ຳທີ່ກິນບໍ່ມີມື້ໝົດ..ກໍ່ຄືນ້ຳໃຈ

ປະກາດຫາເຈົ້າຂອງປ້າຍລົດ

ແຈ້ງເຖິງທຸກທ່ານທີ່ທຽວທາງໃນຜ່ານເສັ້ນທາງ 13ເໜືອ ໜ້າ ສຸວັນນີ ໂຮມຊັນເຕີ ສາຂາ ສີໄຄ ບ້ານ ນາແຮ່ ມ. ສີໂຄດຕະບອງ ນະຄອນຫຼວງວຽງຈັນ,

ເຊິ່ງເປັນເຂດນ້ຳຖ້ວມໜັກ ເຮັດໃຫ້ປ້າຍທະບຽນລົດຂອງຜູ້ຂັບຂີ່ຜ່ານເຂດດັ່ງກ່າວຫຼຸດອອກຈາກລົດ ເຊິ່ງລວມຈຳນວນ 26 ປ້າຍ ແລະ ກະເປົ໋າ 1 ໜ່ວຍ ໄດ້ຖືກນ້ຳໄຫຼພັດມາທີ່ ສຸວັນນີ ໂຮມເຊັນເຕີ ສາຂາ ສີໄຄ ໂດຍມີປ້າຍທະບຽນດັ່ງນີ:

  1. ກຕ 3712
  2. ກທ 4380
  3. ກຕ 8403
  4. ກຕ 6642
  5. ກທ 5077
  6. ກລ 1309
  7. ວຄ 8118
  8. ມລ 4666
  9. ກທ 1483
  10. ກດ 6628
  11. ກວ 3722
  12. ກກ 4934
  13. ຄພ 8299
  14. ກຫ 5278
  15. ກຣ 8810
  16. ກສ 1178
  17. ກຍ 9758
  18. ກລ 3802
  19. ກຮ 7787
  20. ກວ 3452
  21. ກບ 8063
  22. ກຫ 1655
  23. ກມ 9038
  24. ກຜ 2860
  25. ກພ 1399

26. ກວ 2946

ຕິດຕໍ່ພົວພັນເອົາທະບຽນລົດ ແລະ ກະເປົ້າຂອງທ່ານ ຄືນໄດ້ທີ່ ສຸວັນນີ ໂຮມເຊັນເຕີ ສາຂາ ສີໄຄ ເດີ: ພີ່ນ້ອງ: ໂທ 020 5788 5806 (ຜູ້ຈັດການສາຂາສີໄຄ)

Continue Reading

ຂ່າວພາຍໃນ

ເຕືອນຜູ້ທີ່ຈະເດີນທາງມາບາຈຽງ – ປາກເຊໂດຍຜ່ານຂົວຫມາກແງວເມືອງບາຈຽງຈະເລີນສຸກປະຈຸບັນແມ່ນໄດ້ປິດການສັນຈອນຊົ່ວຄາວ

Published

on

ແຈ້ງເຖີງພໍ່ແມ່ປະຊາຊົນທີ່ຈະເດີນທາງມາບາຈຽງ – ປາກເຊໂດຍຜ່ານຂົວຫມາກແງວເມືອງບາຈຽງຈະເລີນສຸກປະຈຸບັນແມ່ນໄດ້ປິດການສັນຈອນຊົ່ວຄາວເນື່ອງຈາກຂົວຊຸດໂຊມຈາກນ້ຳເຊາະເຈື່ອນ ຂໍໃຫ້ໃຊ້ເສັນທາງໃຫມ່

ອັບເດດວັນທີ່ 09/08/2022

….

….

….

….

….

ແຫຼ່ງທີ່ມາ:

Continue Reading
ເດືອນສິງຫາ 2022
ເສົາ ​ອາ ​ຈ ​ພ​ຫ ​ສ
 12345
6789101112
13141516171819
20212223242526
2728293031  

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້