ຍິນດີນໍານັກສຶກສາໃບປະກາດແດງຄົນທີ 3ຂອງກົດໝາຍອາຍາ ອ່ານປະຫວັດ ບໍ່ທໍາມະດາ – ສື່ລາວ.ຄອມ
Notice: Undefined index: slug in /home/suelaoco/public_html/wp-includes/class-wp-theme-json.php on line 1092
Connect with us

ຂ່າວການສຶກສາ

ຍິນດີນໍານັກສຶກສາໃບປະກາດແດງຄົນທີ 3ຂອງກົດໝາຍອາຍາ ອ່ານປະຫວັດ ບໍ່ທໍາມະດາ

Published

on

ເວົ້າເລື່ອງການຮຽນ ນັກສຶກສາລາວກໍ່ບໍ່ນ້ອຍໜ້າຊາດໃດໃນໂລກ ມີຄົນຮຽນເກັ່ງຮຽນດີ ໄດ້ກຽດນິຍົມມານັບບໍ່ຖ້ວນ, ເຊິ່ງ ທ້າວບຸນລ້ອມ ໄຊຍະສອນ ກໍ່ເປັນນັກສຶກສາຈົບໃໝ່ປ້າຍແດງອີກຄົນທີ່ສາມາດຄວ້າໃບປະກາດສະນີຍະບັດແດງມາຄອງໄດ້ເປັນຄົນທີ 3 ຈາກພາກວິຊາກົດໝາຍອາຍາ.

ດັ່ງນັ້ນ ມື້ນີ້

ເພຈທຸກທ່ານມາຮູ້ຈັກກັບນັກຮຽນເກັ່ງຄົນນີ້ນໍາກັນ ບຸນລ້ອມ ໄຊຍະສອນ (ອ້າຍ) ມີຖານຖິ່ນກຳເນີດຢູ່ບ້ານ ຫນອງຂຽວ, ເມືອງ ງອຍ, ແຂວງຫລວງພະບາງ, ປັດຈຸບັນຢູ່ ບ້ານ ຫາດຮ່ຽນ, ນະຄອນຫຼວງພະບາງ, ແຂວງຫລວງພະບາງ. ບ່າວຄົນນີ້ ເຄີຍເປັນອະດີດ ນັກຮຽເກັ່ງລະດັບຊາດ ອັນດັບທີ 2 ສາຍວິຊາ ພາສາລາວ-ວັນນະຄະດີ ຊັ້ນມັດທະຍົມສຶກສາຕອນຕົ້ນ ມໍ 4 ສົກຮຽນ 2012 – 2013 ແລະ ຊັ້ນມັດທະຍົມສຶກສາຕອນປາຍ ມໍ 7 ສົກຮຽນ 2015 – 2016, ໄດ້ຮັບກຽດນິຍົມອັນດັບ 1 ຈາກວິທະຍາໄລລາວນານາຊາດ ແລະ ລ່າສຸດໃນມື້ວັນທີ 09 ຕຸລາ 2020 ກໍໄດ້ກາຍເປັນເຈົ້າຂອງໃບປະກາສະນີຍະບັດແດງ ຫລື ກຽດນິຍົມ ເປັນຄົນທີ 3 ຂອງພາກວິຊາ ກົດຫມາຍອາຍາ, ຄະນະ ນິຕິສາດ ແລະ ລັດຖະສາດ, ມະຫາວິທະຍາໄລແຫ່ງຊາດ ດ້ວຍຄະແນນສະເລ່ຍສະສົມ 3,97.

ນອກຈາກການຮຽນທີ່ໂດດເດັ່ນແລ້ວ ບ່າວຄົນນີ້ຍັງເປັນຄົນທີ່ມີຄວາມມັກຮັກໃນດ້ານກິດຈະກຳຕ່າງໆ ນັບຕັ້ງແຕ່ຕອນຍັງເປັນນັກຮຽນຈົນກ້າວເຂົ້າສູ່ການເປັນນັກສຶກສາໃນມະຫາວິທະຍາໄລ. ພ້ອມນັ້ນ, ບ່າວຄົນນີ້ຍັງມີໂອກາດເຂົ້າຮ່ວມໂຄງການແລກປ່ຽນອື່ນໆທັງພາຍໃນ ແລະ ຕ່າງປະເທດ ຊຶ່ງລ່າສຸດກໍໄດ້ເປັນຕົວແທນຂອງນັກສຶກສາ ຄນລ ເຂົ້າຮ່ວມແລກປ່ຽນຢູ່ທີ່ ໂຕກຽວ ປະເທດ ຍີ່ປຸ່ນ ພາຍໃຕ້ຫົວຂໍ້: ” ການພັດທະນາທີ່ຢືນຍົງ ແລະ ກົດຫມາຍ

ບໍ່ພຽງແຕ່ເທົ່ານີ້, ໃນຍາມທີ່ເປັນນັກສຶກສາບ່າວຄົນນີ້ກໍທັງຮຽນ ແລະ ຫາເງິນໄປພ້ອມ ຊຶ່ງໄດ້ເປັນຄູສອນພາສາອັງກິດໃຫ້ນ້ອງໆນັກຮຽນປະຖົມ ແລະ ມັດທະຍົມ ຢູ່ສູນພາສາອັງກິດ ອໍກັສ ແລະ ຄ້າຂາຍ ໄປພ້ອມໆກັນ. ບອກໄດ້ເລີຍວ່າບ່າວຄົນນີ້ ເປັນຄົນມີຄວາມຮູ້, ຄວາມສາມາດ ແລະ ຮຽນດີ ຮຽນເກັ່ງ ມາຕັ້ງແຕ່ຕອນຍັງນ້ອຍໆ ແລະ ສາມາດຮັກສາມູນເຊື້ອການສຶກສາຄົ້ນຄວ້າຮ່ຳຮຽນ ໄດ້ຢ່າງຄົງເສັ້ນຄົງວາຕະຫລອດມາ ດ້ວຍຄວາມຕັ້ງໃຈ, ຄວາມມານະອົດທົນ ແລະ ບໍ່ຍອມແພ້ຕໍ່ກັບບັນຫາຕ່າງໆທີ່ເກີດຂຶ້ນ.

ແນວໃດກໍຕາມທາງແອັດມິນກໍຂໍສະແດງຄວາມຍິນດີ ແລະ ຊົມເຊີຍຕໍ່ກັບຜົນສຳເລັດໃນການສຶກສາຄັ້ງນີ້ດ້ວຍ ແລະ ໃນອະນາຄົດບໍ່ວ່າຈະໄປປະກອບອາຊີບຫຍັງກໍຂໍໃຫ້ມີຄວາມກ້າວຫນ້າຕະຫຼອດໄປ

Continue Reading

ຂ່າວການສຶກສາ

ອ່ານດ່ວນ ຂໍ້ຕົກລົງ ວ່າດ້ວຍ ການຮັບຮອງ ແລະ ປະກາດຜົນການສອບເສັງ ຈົບຊັ້ນມັດທະຍົມສຶກສາຕອນປາຍ (ມ.7)

Published

on

ເອກະພາບທົ່ວປະເທດ ປະຈໍາສົກຮຽນ 2021-2022, ສະບັບເລກທີ 3615/ສສກ, ລົງວັນທີ 02 ສິງຫາ 2022.

ສາມາດກວດເບິ່ງຜົນການສອບເສັງຈົບຊັ້ນມັດທະຍົມສຶກສາຕອນປາຍ (ມ.7) ທີ່ເວັບໄຊ້ ກົມສາມັນສຶກສາ http://www.moes.edu.la/dge/exam-results.php

Continue Reading

ຂ່າວການສຶກສາ

ໜື່ງໄອເດຍທີ່ດີ ໃນການຈັດຫ້ອງຮຽນ ປອດໄພ ຈາກການຕິດໂຄວິດ

Published

on

By

ໜື່ງໄອເດຍທີ່ດີ ໃນການຈັດຫ້ອງຮຽນ ປອດໄພ ຈາກການຕິດໂຄວິດ

ເປັນອີກໜື່ງໄອເດຍທີ່ດີແລະເປັນອີກໜື່ງແນວທາງອອກທີ່ໜ້າສົນໃຈສຳລັບການຮຽນການສອນໃນທາມກາງໂຄວີດລະບາດ.

ທີ່ຄວນປະຕີບັດແບບ 4 ປ

  1. ປອດໄພ
  2. ປະຫຍັດມັດທະຫຍັດ
  3. ປະສິດທີພາບ
  4. ປະສີດທີຜົນ

ທີ່ມາ

Continue Reading

ຂ່າວການສຶກສາ

ມຊ ເປີດຮັບນັກສຶກສາໃຫມ່! ສາມາດລົງທະບຽນສອບເສັງເຂົ້າໄດ້ແລ້ວ ຈົນຮອດ 8 ກັນຍາ 2021

Published

on

By

ຂ່າວສານ ມຊ NUoL News ໄດ້ໃຫ້ຮູ້ວ່າ: ໃນການລົງທະບຽນສອບເສັງປີນີ້ ທາງມະຫາວິທະຍາໄລແຫ່ງຊາດ ຈະໄດ້ປະຕິບັດການລົງທະບຽນແບບອອນລາຍ (Online) ເພື່ອຮັບສະໝັກສອບເສັງຄັດເລືອກເອົານັກສຶກສາເຂົ້າຮຽນ ຢູ່ມະຫາວິທະຍາໄລແຫ່ງຊາດ ໃນສົກສຶກສາ 2021-2022

ເຊິ່ງມີລາຍລະອຽດດັ່ງນີ້:+ ວັນສອບເສັງຄັດເລືອກເອົານັກສຶກສາເຂົ້າຮຽນ ທີ່ມະຫາວິທະຍາໄລແຫ່ງຊາດແມ່ນວັນທີ 11 ກັນຍາ 2021

+ ເປີດໃຫ້ລົງທະບຽນອອນລາຍ (Online) ເລີ່ມວັນທີ 17 ສິງຫາ 2021 ເຖິງວັນທີ 8 ກັນຍາ 2021+ ນຳເອກະສານມາສະເໜີ ແລະ ຮັບບັດອະນຸຍາດເຂົ້າຫ້ອງສອບເສັງຈາກການລົງອອນລາຍ (Online) ເລີ່ມວັນທີ 23 ສິງຫາ 2021 ເຖິງວັນທີ 8 ກັນຍາ 2021

+ ກໍລະນີຜູ້ທີ່ບໍ່ສາມາດລົງທະບຽນເອງໄດ້ ແລະ ບໍ່ເຂົ້າໃຈ ແມ່ນສາມາດມາລົງທະບຽນອອນລາຍ (Online) ກັບທີ່ຢູ່ມະຫາວິທະຍາໄລແຫ່ງຊາດ ວິທະຍາເຂດດົງໂດກ (ສະໂມສອນໃຫຍ່) ເລີ່ມວັນທີ 23 ສິງຫາ 2021ເຖິງວັນທີ 8 ກັນຍາ 2021

+ ສະຖານທີ່ລົງທະບຽນ ແລະ ຮັບບັດອະນຸຍາດເຂົ້າຫ້ອງສອບເສັງ: ມະຫາວິທະຍາໄລແຫ່ງຊາດ ວິທະຍາເຂດດົງໂດກ (ສະໂມສອນໃຫຍ່)

ໃຫ້ນັກສຶກສາ ແລະ ຜູ້ປົກຄອງທີ່ນໍາພານັກສຶກສາມາລົງທະບຽນ ແລະ ມາສອບເສັງເຂົ້າຮຽນຢູ່ມະຫາວິທະຍາໄລແຫ່ງຊາດ ໃຫ້ໃສ່ຜ້າປິດປາກປິດດັງ ທຸກຄັ້ງ, ຮັກສາໄລຍະຫ່າງຢ່າງໜ້ອຍ 1 ແມັດ

ທີ່ມາ:InsideLaos

Continue Reading
ເດືອນສິງຫາ 2022
ເສົາ ​ອາ ​ຈ ​ພ​ຫ ​ສ
 12345
6789101112
13141516171819
20212223242526
2728293031  

Trending

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້