ສາ​ທຸໆ! ບັ້ງໄຟພະຍານາກ ປະກົດການທາງທໍາມະຊາດ ທີ່ລຶກລັບ ແລະ ອັດສະຈັນໃຈ

ບັ້ງໄຟພະຍານາກ ເປັນປະກົດການທາງທໍາມະຊາດ ທີ່ເປັນຕາຫນ້າລຶກລັບ ແລະ ອັດສະຈັນໃຈ, ເກີດຂຶ້ນທຸກໆປີ ໃນຄືນເດືອນເພັງຂອງເດືອນ 11 ລາວ (ມື້ອອກພັນສາ) ຕອນປະມານ 6:30-8:00ໂມງ ກາງຄືນ,

ມີລັກສະນະຄ້າຍຄືກັນກັບພຸໄຟ ທີ່ພົ້ນອອກຈາກຫນ້ານໍ້າປະມານ 10-15 ແມັດ, ເປັນແສງປະກາຍຮຸ່ງເຮືອງ ແຕ່ບໍ່ມີຄວັນ ແລະ ບໍ່ມີສຽງ ແລະ ຈາກນັ້ນກໍ່ຫາຍໄປໃນທ້ອງຟ້າຢ່າງລຶກລັບ, ຈົນປັດຈຸບັນກໍ່ຍັງບໍ່ສາມາດພິສູດໄດ້ວ່າເກິດຂຶ້ນຈາກຫຍັງ,

ຈຶ່ງເປັນການເຊື່ອຖືກັນວ່າ ນີ້ແມ່ນການສະຫລອງບັ້ງໄຟພະຍານາກຂອງບັນດານາກທັງຫລາຍ ທີ່ຢູ່ລຸ່ມແມ່ນ້ຳ ເພື່ອສະແດງຄວາມເຄົາລົບບູຊາພະພຸດທະເຈົ້າ.

ຈຸດທີ່ສັງເກດເຫັນບັ້ງໄຟພະຍານາກນັ້ນ ແມ່ນມີສອງຈຸດຄືທີ່ບ້ານໂພນສັນ ແລະ ບ້ານເວິນທາດ, ເມືອງທ່າພະບາດ ຕາມລໍາແມ່ນ້ຳຂອງ, ເຊິ່ງສ່ວນຫລາຍເກີດຂຶ້ນພ້ອມໆກັບເວລາທີ່ຄູບາອາຈານ ແລະ ຊາວພຸດທັງຫລາຍພວມດໍາເນິນພິທີທາງສາດສະຫນາ ວຽນທຽນ, ຕີຄ້ອງຕີກອງຕ່າງໆ ໃນຄືນອອກພັນສາ.

ລາວທ່ຽວລາວ

error: ເນື້ອຫາໄດ້ຮັບການປົກປ້ອງ !!