News : ສຸດເສົ້າ ເດັກຊາຍອາຍຸ14ປີໂດດຕຶກເສຍຊີວິດຄາທີ່ ສາເຫດຍ້ອນຖືກແມ່ຕີຕໍ່ໜ້າໝູ່ຫຼາຍຄົນ.

ຈາກການລາຍງານຂອງສຳນັກຂ່າວຈີນລະບຸວ່າ ເດັກນັກຮຽນອາຍຸ14ປີ ຈາກເມືອງອູ່ຮັ່ນ ປະເທດຈີນ ໄດ້ກະໂດດລົງມາຈາກຕຶກອາຄານຮຽນຊັ້ນທີ່ 5ຫຼັງຈາກທີ່ຖືກແມ່ຕີຕໍ່ໜ້າໝູ່ຫຼາຍຄົນ. ສາເຫດທີ່ແມ່ຕີນັ້ນເປັນເພາະລາວຖືກອາຈານຈັບໄດ້ວ່າລັກຫຼິ້ນໄພ້ນຳໝູ່ ອາຈານຈຶ່ງໂທແຈ້ງຜູ້ປົກຄອງໃຫ້ຮູ້ ແລະ ຖືກໃສ່ໂທດໃຫ້ມາຢືນຢູ່ບໍລິເວນທາງຍ່າງໃນອາຄານ.

ເມື່ອແມ່ຂອງທ້າວມາຮອດ ລາວມາພ້ອມກັບຄວາມໂມໂຫໃຈຮ້າຍໃສ່ລູກຊາຍແລະໄດ້ພົບໜ້າລູກຊາຍໃນບໍລິເວນທາງຍ່າງອາຄານຮຽນ ກ່ອນທີ່ຈະຕົບໜ້າລູກຊາຍຕໍ່ໜ້າໝູ່ຂອງລູກໆ ແລະ ອາຈານຈຶ່ງໄດ້ພາແມ່ຂອງລາວອອກຈາກຈຸດນັ້ນ ເຫດການຫຼັງຈາກນັ້ນຄືເດັກຊາຍຢືນມິດໆປະມານ 3ນາທີ ກ່ອນຈະຕັດສິນໃຈໂດດລົງຈາກຕຶກແລະໄດ້ເສຍຊີວິດລົງໃນທີ່ສຸດ.

ທ່ານບໍ່ມີສິດສຳເນົາ ບົດຄວາມນີ້ໄດ້ ສົນໃຈບົດຄວາມຕິດຕໍ່ ຜູ້ດູແລລະບົບຖ້າສົນໃຈບົດຄວາມນີ້